อิสานบ้านเฮา
---------

หอมดอกผักขะแยง ยามฟ้าแดงค่ำลงมา
แอ้บๆ.. เขียดจันนา ร้องยามฟ้าโฮมห่วนๆ
เขียดโม้เขียดขาคำ เหมือนหมอลำพากันม่วน
เมฆดำลอยปั่นป่วน ฝนตกมาสู่อิสาน
หมู่หญ้าตีนกับแก้ ถูกฝนแลเขียวตระการ
ควายทุยเสร็จจากงาน เล็มหญ้าอ่อนตามคันนา
รุ่งแจ้งพอฮุบหู่ ตื่นเช้าตรู่รีบออกมา
เร่งรุดไถฮุดนา รีบนำฟ้าฟ่าวนำฝน
อิสานบ้านของเฮา อาชีพเก่าแต่นานโดน
เอาหน้าสู้ฟ้าฝน เฮ็ดนาไร่บ่ได้เซา
เฮ็ดนาไร่บ่ได้เซา..

..ม่วน..เอ๊ย..โอ้.. โอ่...
ม่วนเอยม่วนเสียงกบ ร้องอ๊บๆ กล่อมลำเนา
ผักเม็กผักสะเดา ผักกะโดนและผักอีฮีน
ธรรมชาติแห่งบ้านนา ฝนตกมามีของกิน
ฝนแล้งแห้งแผ่นดิน ห้วยบึงหนองแห้งเหือดหาย
มาเด้อมาเฮ็ดนา มาเด้อหล่าอย่าเดินผ่าย
นับวันจะกลับกลาย บ่าวสาวไหลเข้าเมืองกรุง
เสียงแคนกล่อมเสียงซุง ตุ้งลุ่งตุง.. แล่นแตรลุ่งตุง..
เสียงแคนกล่อมเสียงซอ อ้อนแล้วอ๋อ..อ้อนอี่แล้วออ...
มาเด้อมาช่วยกันก่อ อิสานน้อ...บ้านของเฮา